Cal é o volume total do sangue de tódolos seres humanos do planeta?
Supoñendo unha media de 3'78 l por persoa (incluídos nenos e calquera outra variante), chegamos aproximadamente a uns 24.570.000 metros cúbicos, o que nos levaría á conclusión de que cabe nun cubo de 291 metros de aresta.
Se se duplicara o salario de tódolos profesores de matemáticas, que efecto tería na educación e na sociedade en xeral?
Non está avaliado, pero paréceme unha gran idea. Para ser exacto, unha excelente idea.
Cales son as dez áreas da Matemática máis difíciles de comprender?
Cando das clase pensas que tal vez o teorema de Pitágoras pode esconder arcanos misterios só accesibles a iniciados en ciencias ocultas. Pero hai cousas peores, non darei toda a lista, pero algo que se chama Cohomoloxía motívica non pode ser fácil de entender.
Quen foi S. A. Ramanujan?
Un dos xenios matemáticos máis peculiares da historia (ver biografía). Se en vez de ser da India fose occidental, Hollywood tería arrasado as taquillas coa súa vida.
Cales son os números máis raros e por que son tan importantes os números primos?
Esta pregunta ten trampa, porque habería que decidir o que consideramos como raro, pero, por exemplo, que tal os numeros amigos, os vampiros ou os malvados e outros tipos?
En canto ós números primos, a ler o artigo wikipédico. Por se alguén se perde, son fundamentais no cifrado de datos e comunicacións, e polo tanto na seguridade de ambos. Tamén se pode consultar en "Los códigos secretos" (ver post anterior).
Todo esto e moito máis e o que se pode atopar nos libros de Clifford A. Pickover "El prodigio de los números" e "La maravilla de los números", libros que estaban na colección "Desafíos matemáticos" que saíu fai un par de anos.
Recomendacións:
- Agora que estamos en plena época e antes de caer na tentación de iniciar coleccións fasciculares terroríficas, ben podemos intentar ler cousas deste estilo, aínda que ideas non poden faltar, por exemplo: AbanicArte, La casa de la pradera, Hansel y Gretel en porcelana, Mil ideas de ganchillo, ou por que non, La guía esencial de la belleza. (Teño que confesar que boto de menos aquelas marabillas como Construye tu casa rústica mediterránea. Ah, que tempos!)
- Para rematar con sensatez, deixo un par de vídeos de 65daysofstatic, grupo de post-rock, incluído dentro da corrente chamada math rock. Do álbum "One time for all time" (2005), o tema "Drove through ghosts to get here", e do álbum "The fall of math" (2004), "Another code against the gone" e o primeiro single, "Retreat, retreat!".
No hay comentarios:
Publicar un comentario